Kryedemokrati Lulzim Basha, ka uruar Kosovën pas votimit në Kuvend për krijimin e ushtrisë. Duke e cilësuar si ngjarjen e dytë më të rëndësishme pas pavarësisë, Basha shprehet se me ushtrinë e saj, Kosova do të jetë më e sigurtë, rajoni më në paqe, kombi shqiptar i integruar dhe më i fortë.
“Urime Kosovë për Ushtrinë! Pas Pavarësisë, ngjarja e dytë e përmasave kombëtare dhe historike.
Me Ushtrinë e saj, Kosova do të jetë më e sigurtë, rajoni më në paqe, kombi shqiptar i integruar dhe më i fortë.
Nderim të rënëve për liri, mirënjohje miqve të mëdhenj që na mbështetën!”, shkruan Basha në një postim në Twitter.
