Në lidhje me deklaratën e deputetit të LIBRA-s, Ben Blushi, për qëndresën e PD-së në bojkotin e zgjedhjeve, kryetari i PD-së, Lulzim Basha, është shprehur se Blushi është i paqëndrueshëm.
“I vetmi problem i Blushit është inkonsistenca. Atë që thotë në mëngjes, nuk e thotë në darkë”, tha ai.
Sakaq, Basha nuk nguroi të thotë se në shumë kauza, Blushi i ka shërbyer interesit publik.
“Inkonsistenca e zbeh misionin e tij. Ai i ka shërbyer interesit publik. Shumë njerëz mendojnë se ai është pjesë e lojës së brendshme, që mund të ketë dalë edhe nga PS-ja”, pohoi Basha.
