Kryetari i Partisë Demokratike, Lulzim Basha nga qyteti i Gjirokastrës, ka sulmuar qeverinë e Ramës lidhur me ekonominë e Shqipërisë gjatë katër viteve të shkuara.
Basha e ka ftuar për herë të tretë radhazi Kryeministrin Rama të dalë në debat publik dhe t’u japin llogari shqiptarëve për kohën që ka qeverisur.
Sakaq, Basha nuk ka nguruar te akuzojë dhe të ironizojë përçarjen dhe premtimet e pa mbajtura të qeverisë.
Gjithashtu, kreu i opozitë ka shpjeguar sërish vendimin e marrë lidhur me listat e kandidatëve dhe e krahasoi atë me vendimet që ai do marrë edhe për të ardhmen e vetndit.
Sipas tij:”çdo vendim i marrë këto ditë ka qenë i vështirë por është i drejt dhe ashtu do të jenë edhe vendimet e tjera që do merren kur ai të jetë kryeministër.
“Edi Ramën do ta mundim me votë, ku premtoi 300 mijë vende pune dhe nuk hapi asnjë. Hidhjani në fytyrë kartat me 25 qershorë. Me 25 qershor ata do të jenë njehre e mirë jashtë pazarit, jashtë tepsisë. Bëhuni njerëz të lirë, bashkohuni me PD dhe me Lulzim Bashën. Ju nuk do të jeni skllevër të asnjë partie.
PD nuk do të pranojë asnjë pazar me ta. Ejani ti japim fund pazarit të ndyrë me ta. Ky është momenti për tu rikthyer në PD. Për të ikur nga pazari i fëlliqur. Hidhjani në fytyrë karta dhe eja në shtëpinë tuaj në shtëpinë e lirisë. Kështu e duan shtetin këta. Edi Rama ndihet i fortë për sa kohë ai është i fortë. Ilir Meta është në rregull për sa kohë ka në rregull pazarin.
Askush në PD nuk e ka në PD kariken të ngjitur pas veten. Këtë vendim e kam marrë edhe brenda Partisë Demokratike. Këto vendime duhen marrë edhe për të nesërmen e Shqipërisë. Vendet e punës jepeshin në bazë të teserave të partive të tyre por në 25 qershor ka ardhur momenti t’iu hidhni këto tesera fytyrës” tha Basha.
Lideri i PD-së, vijoi akuzat ndaj kryeministrit, duke thënë se rrogat e shqiptarëve janë ulur, faturat e energjisë janë rritur në stratosferë, ekonomia është në ditët më të zeza dhe gjithë Shqipëria u mbush me drogë. “Ti Edi Rama i le shqiptarët me gisht në gojë”,- vijoi Basha.
Sipas tij, “Rama thotë ekonomia është mirë por populli nuk e ndjen. E vërteta është ndryshe, ekonomia është katastrofë”.
Në fund të fjalës së tij, Basha premtoi rritje ekonomike, ulje papunësie dhe rritje pagash dhe pensionesh.
