Kryetari i Partisë Demokratike z.Lulzim Basha sot vizitoi qytetin e Kavajës për të parë nga afër gjendjen e biznesit të vogël. Në një bashkëbisedim me ta, Basha i shprehu përfaqësuesve të biznesit të vogël mbështetjen maksimale të tij dhe të përfaqësuesve të opozitës.
“ Shumë nuk e dinë se çfarë shkatërrimi sjell rritja e TVSH-së. Qeveria po mundohet ta mbulojë me propagandë duke iu thënë bizneseve të vogla se nuk kanë për tu paguar.
Po nëse s’kanë për ta paguar pse i fut në skemën e TVSH?” – tha Basha.
“TVSH për biznesin e vogël do të rrisë koston tuaj si biznes sepse do të punësoni kontabilistin për të mbajtur bilancin ndaj do të rrisë koston.
Do t’ju shkatërrojë familjen deri sa t’ju detyrojë ta mbyllni” – vijoi Basha. Basha ka përshëndetur protestën me uljen e qepenave nga tregtarët. “Duam t’ju përgëzojmë për aksionin për uljen e qepeni. Duam t’ju themi se e keqja largohet vetëm duke u ngritur. Ne ju sigurojmë se do të na keni në krah për çdo gjë. Nuk do ta lemë kurrë vetëm biznesin e vogël.” – u shpreh kreu demokrat në mbështetje të tregtarëve.
https://www.facebook.com/lulzimbasha.al/videos/1849001475151025/?t=262
