Kreu i Partisë Demokratike Lulzim Basha theksoi nga çadra se opozita nuk do të regjistrohet në KQZ për zgjedhjet e 18 qershorit, pasi siç tha ai ato janë një proces zgjedhor fasadë.
Ai u shpreh se nuk ka zgjidhje tjetër veç largimit të kryeministrit Rama.
“Hiq dorë nga kërcënimi ndaj opozitës dhe kauzës civile. Po e kërkon me qiri konfliktin. Por, shqiptarët nuk e duan atë, nga veriu në jug. Nuk ka zgjidhje tjetër përveç largimit të qeverisë dhe korrupsionit. “U jap KQZ-në, merreni KQZ-në”, thotë. Po kur ti ke krimin, drogën dhe policinë që e ke shndërruar në një repart ushtarak, ç’e duam KQZ-në. KQZ-ja është një institucion kukull. Opozita nuk regjistrohet për zgjedhjet fasadë të 18 qershorit.”
