Kryetari i Partisë Demokratike, gjatë fjalës së tij sot në çadër i ka kujtuar shqiptarëve të kaluarën në kohën e komunizmit.
“Ai komb që harron të kaluarën e tij rrezikon shumë që e kaluara t`i kthehet sërish pas. Qeveria aktuale për tre vite vetëm ka glorifikuar komunizmin. Kjo qeveri përpiqet ta tregojë sa më të mirë atë sistem duke nxjerr në pah vetëm gjëra pozitive. Por shqiptarët nuk duhet të harrojnë asnjëherë atë që ka ndodhur në sistemin komunist”, tha Basha.
Gjithashtu, kreu Basha akuzon drejtpërdrejtë qeverinë se kontrollon të gjithë pasuritë e shqiptarëve, duke realizuar një komplot ekonomik kundër qytetarëve. Kjo qeveri ka vjedhur 2.8 miliard euro nga paratë e shqiptarëve.
Bashkëshortja e kryeministrit Edi Rama është ajo që fsheh paratë e tyre të vjedhura, është sot në krye të bordit të një prej bankava më kameleonë të historisë së bankave shqiptare. Pronarët indirekt të “ABI Bank”, janë regjistruar në një zonë Offshore në ishujt Cayman, parajsa fiskale të atyre që gjithmonë kanë për të fshehur shumë më shumë se një gjë në raport me biznesin e tyre dhe dëshirën e përbotshme për evazion fiskal dhe pastrim parash.
