Sapo ka votuar kryetari i “vetëngrirë” i Partisë Demokratike, Lulzim Basha i cili kërkon një tjetër mandat katër vjeçar në krye të PD-së. Ai votoi një orë pas rivalit të tij, Eduard Selami. Basha ka mbërritur në selinë e Partisë Demokratike në orën 11:00 dhe ka pritur në radhë para se të votonte. Ndërkohë që pas votimit Basha ka dhënë një deklaratë të shkurtër për mediat.
“Për herë të dytë po zhvillohet procesi një anëtar një votë për përzgjedhjen e kryetarit të Partisë Demokratike. I shpreh mirënjohjen atyre që por merren me administrimin e këtyre zgjedhjeve, procesi është duke shkuar qetë dhe i civilizuar”, tha Basha.
