Në takimin me grupin parlamentar, si dhe përgjatë bisedimeve me Knut Fleckenstein e David McAllister, kreu i Partisë Demokratike, Lulzim Basha, nuk ka hequr dorë nga kërkesa e tij për qeveri teknike dhe mandatin e saj për të drejtuar zgjedhjet parlamentare të qershorit.
Sipas burimeve nga Partia Demokratike, për “Tirana Today”, theksohet se qeveria teknike dhe shitblerja e votës kanë qenë kushte të panegociueshme nga ana e z. Basha në bisedimet me dy diplomatët e huaj, pas takimit me ta në selinë blu dhe më pas në Pallatin e Kongreseve.
Kreu i Partisë Demokratike, Lulzim Basha theksoi, gjithashtu, se akoma nuk ka negociata midis palëve, por çdo gjë është në proces për të arritur në një pikëtakim midis palëve.
