Lulzim Basha, gjatë fjalës së tij në bulevardin “Dëshmorët e Kombit” ka premtuar se pensioni minimal do te jetë 250 mijë lekë, ndërsa shtoi se çdo student do të ketë mundësi të arsimohet, pasi Republika e Re do të anulojë ligjin e arsimit të lartë.
“Ne jemi bashkuar dhe bashkë i kemi thënë “ndal” këtij projekti. Ne jemi bashkuar dhe kemi thënë se zgjedhje pa opozitës nuk ka dhe nuk do të ketë, zgjedhje me krimin dhe drogën nuk ka e nuk do të ketë, ka zgjedhje vetëm me një qeveri teknike që u kthen shqiptarëve besimin te vota e lirë.
Beteja jonë bëhet për vlerat që ndërtuan Evropën dhe Amerikën. Në asnjë vend të Evopës nuk luftohet më fort për Evropën se në këtë shesh të bashkimit. Jemi mbledhur për të vetmin vendim që e çon Shqipërinë në Evropë, jemi mbledhur për t’i thënë një herë e përgjithmonë lamtumirë Republikës së Vjetër, komplotit ndaj jush, kundër të drejtave tuaja. Ne jemi këtu që përmes Republikës së Re, t’u kthejmë shqiptarëve atë që është e shqiptarëve. Pensioni minimal të jetë 250 mijë lekë në muaj, t’ju japim studentëve shqiptarë tarifa të përballueshme dhe asnjë bir shqiptari të mos mbetet pa mundësi arsimimi duke e anuluar ligjin për arsimin e lartë.”/ Tirana Today
