Kryetari i Partisë Demokratike, Lulzim Basha ishte edhe sot në protestën e banorëve që preken nga projekti i Unazës së Re.
Në fjalën e tij, Basha tha se ajo që po bëhet me Unazën e Re është një krim shtetëror, ku kryeministri Edi Rama është i përfshirë drejtpërdrejtë.
Pra kemi të bëjmë me një krim shtetëror ku janë përfshirë nga i pari tek i fundit. I vetmi njeri që koordinon një vjedhje të tillë, është Edi Rama. Rama është i përfshirë drejtpërdrejt në këtë aferë.
Rama ka kapur edhe prokurorinë, e cila ka 6 javë që hesht. I ka mbushur burgjet me qytetarë dhe nuk ka arrestuar asnjë qytetar.
Banorët janë bashkuar dhe falë këtij bashkimi kjo e vërtetë ka dalë në shesh.
Unë dua të përgëzoj banorët që i kanë bërë një shërbim familjes së tyre, por edhe Shqipërisë. Nuk ka njeri që nuk e kupton që këtu kemi të bëjmë me një vjedhje të përmasave të mëdha ku janë të përfshirë krerët e qeverisë.
Këtë që bëjnë tek unaza e bëjnë kudo.
