Kreu i PD-së, Lulzim Basha, i është përgjigjur thirrjes së kryeministrit Rama për dialog.
Duke folur nga çadra, Basha tha se ka 8 ditë që e pret Ramën për të dhënë dorëheqjen e tij, ndërsa shtoi se fati politik i kryeministrit është i lidhur me drogën dhe krimin.
Më poshtë fjala e Lulzim Bashës:
“Rama tha se jemi bërë për t’u qeshur, i them jo. Bota nuk po qesh me ne, ajo është e shqetësuar për gjendjen e Shqipërisë në dorën e krimit me në krye Edi Ramën.
Rama e ka lidhur fatin politik me krimin e organizuar. 400 tonë drogë në një magazinë në Lezhë, çfarë do të bësh me këto magazina në Lezhë dhe Manzë?
Rama është turpi i Evropës dhe i Shqipërisë. Nuk arrestoni dot Eskobarin e Ballkanit dhe as Perlat Cullajn, sepse e ke lidhur fatin tënd politik me krimin. E ke lidhur fatin tënd me drogën, ndaj refuzon dialogun për qeveri teknike dhe refuzove votimin elektronik, sepse votimi elektronik është vettingu i kriminelëve dhe pushtetarëve të lidhur me ta.
Përse e sabotove votimin elektronik?
E bardha nuk bëhet dot e zezë. Sot mbushen 8 ditë që ti duhet t’i përgjigjesh ftesës për dialog”.
