Kreu i Partisë Demokratike, Lulzim Basha ka folur për zgjedhjet e 25 qershorit dhe koston që ai do të mbaj nëse humbet.
Basha, u shpreh se është i bindur se do të fitoj zgjedhjet por çdo rast në korrik ka zgjedhje për kryetarin e partisë.
“Unë shkoj i bindur dhe ne shkojmë të bindur drejt fitores, që nuk do të jetë thjesht dhe vetëm fitorja ime apo e PD apo e koalicionit, por do të jetë fitorja e çdo shqiptari. Në çdo rast në korrik ka zgjedhje për kryetarin e partisë. Kjo nuk ndryshon, cilido të jetë rezultati”-tha Basha
Basha gjithashtu i ftuar në emisionin “studio e hapur”, ka folur për programin ekonomik të PD-së si dhe akuzat dhe përplasjet me kundërshtarët politikë. Kryedemokrati tha se programi ekonomik është hartuar me specialistët më të mirë vendas dhe të huaj.Kujtojmë se, Topalli, Patozi, Brego dhe Selami janë shprehur se pas 25 qershorit do ketë “aksione” për veprimet dhe koston që do të mbajë Basha.
