Kreu i opozitës Lulzim Basha tha këtë të mërkurë në darkë te protesta e Unazës së Re se kjo qeveri dhe bashkia kanë ndryshuar planin rregullues të Unaza vetëm që ti vijnë në ndihmë një biznesmeni i cili do të investojë 60 milionë euro për ndërtim pallate shumëkatshe aty.
Më pas Lulzim Basha tha se mbështesim protestën e studentëve dhe se nesër do të mblidhemi si opozitë para parlamentit bashkë me studentët për ta detyruar kryeministrin që të miratojë në sallën e Kuvendit të gjitha kërkesat e studentëve. Nëse Rama dhe klika e tij-theksoi Basha-nuk pranon ti miratojë atëhere nesër (enjte) do ta bëjmë me forcën e popullit dhe studentëve.
Nesër-tha Basha-të gjithë para parlamentit dhe populli të marrë drejtimin e vendit. Edhe LSI, nga ana e saj, mbetet e vendosur se kryeministri duhet detyruar me të gjitha mënyrat që plotësojë 8 kërkesat e studentëve. Bile LSI ka plan edhe me të egër ndaj tij, largimin si kryeministër para zgjedhjeve vendore.
