Barcelona ka triumfuar sërish në ‘Camp Nou’ përballë Las Palmas edhe pse iu desh të luante pa tifozë. Nuk është i lehtë tensioni që po kalon katalonja sot, për më tepër nuk u lanë të futen në stadium edhe 98.000 tifozë që të mbështetnin ekipin pasi mund të sillnin trazira. Kishte aludime që ndeshja të mos zhvillohej për shkak të gjendjes së tensionuar që ishte krijuar në qytetin katallan por nuk ndodhi ashtu.
Gjithçka do të ishte e lehtë pa praninë e tifozëve, por që la një shije të keqe në futboll pasi asnjëherë nuk ishim mësuar ta shohim Barcelonën në mënyrë të tillë. Ndeshja nuk kishte ritmin e duhur në pjesën e parë dhe dukeshe qartë që edhe futbollistët ishin të ndikuar nga ajo që po ndodhte. Pjesa e parë u mbyll në barazim pa gola, por u krijuan shumë raste nga të dyja ekipet. Pjesa e dytë foli krejt ndryshe, me një Barcelonë që kërkonte ta mbyllte ndeshjen dhe të merrte tre pikët e radhës dhe të vazhdonte kryesimin. Siparin e golave e hapi Busquets që në të 49’-ën realizon me kokë mbas kromimit të Messit. Në të 70’ dhe 77’ është ylli Argjentinas që vulos fatin e ndeshjes duke shënuar dy gola mjaft të bukur.
Golat:
