Humbja në shtëpi ndaj Selta Vigos ka të ngjarë të ketë nënshkruar fundin e aventurës së Ronald Komanit në Barcelonë. Sipas ‘RAC1’, në fakt lamtumira e trajnerit holandez është praktikisht e sigurt. Transmetuesi katalanas madje flet për shansin “99%” që ish-trajneri i Evertonit të mos jetë në stolin e ‘blaugranave’ sezonin e ardhshëm.
Sa për pasuesin, emri favorit i Joan Laportës mbetet ai i Xavi-t. Pavarësisht rinovimit të kontratës së fundit me Al Sadd-in, ish-mesfushori ka marrë një premtim nga klubi i tij aktual që do të jetë i lirë në rast thirrjeje nga Katalunja. Një telefonatë që, sipas ‘Sport’, tashmë mund të ketë ndodhur. Kohët e fundit u fol gjithashtu për një interesim mbi Alegrin, por ende asgjë konkrete.
