Krahas protestës së studentëve para Ministrisë së Arsimit, po zhvillohet një tjetër protestë më kryeqytet.
Banorët e “Bregut të Lumit” kanë dalë sërish në protestë për të kundërshtuar shembjen e shtëpive nga ndërtimi i projektit të “Unazës së Madhe”.
Një nga protestuesit, teksa u bëri thirrje autoriteteve për plotësimin e kërkesave të tyre, tha se banorët e “Bregut të Lumit”, nuk i braktisin shtëpitë e tyre, pa gjak.
“I bëj thirrje Erion Velisë të ulet në gjunjë me këtë popull fukara dhe të na japë djersën tonë. Të na japë lekët tona, se ky popull ka hedhur djersën këtu.
Ky popull nuk vjen nga Afganistani, janë qytetarët e Republikës së Shqipërisë. Kemi paguar ujë drita dhe të gjithë taksat.
Vetëm kur të shkelin mbi kufomat tona, se shtëpitë tona nuk i lë pa gjak. Shpiat tona nuk i shemb”, tha një nga banorët.
