Banka e Anglisë bllokoi zyrtarët e Nicolas Maduro për të tërhequr 1.2 miliard dollarë në ar, njoftoi Bloomberg. Arsye e bllokimit iu referua sulmeve të policisë ndaj qytetarëve me urdhër presidentit të Venezuelë, ndërsa Maduro përpiqet të shpëtojë autoritetin e tij.
Sipas raportit, i cili përmend njerëzit që mbeten anonim por që kanë dijeni për çështjen, ari është një pjesë e rëndësishme e rezervave valutore prej 8 miliardë dollarësh të mbajtura nga banka qendrore e Venezuelës.
“CNN” shkruan se nuk ka qenë në gjendje të verifikojë në mënyrë të pavarur raportin dhe po përpiqet të marrë një përgjigje nga zyrtarët e Maduro.
Veprimi i Bankës së Anglisë erdhi pasi zyrtarët e lartë amerikanë i kërkuan qeverisë britanike të ndihmojnë në uljen e aksesit të Maduros në pasuritë e vendit të tij. Në raport thuhet se aksesi ndaj këtij floriri do t’i jepet kreu i opozitës Juan Guaido, i cili ka marrë përsipër Presidencën.
Të shtunën, Mbretëria e Bashkuar u bashkua me SHBA dhe një numër shtetesh të tjera, duke thënë se do të njohë Guaido si një President të përkohshëm nëse zgjedhjet e reja nuk do të thirren në tetë ditët e ardhshme.
“Ne qëndrojmë së bashku me Shtetet e Bashkuara, duke thënë se Asambleja Kombëtare dhe Presidenti i saj Juan Guaido janë më së miri për të udhëhequr Venezuelën në rivendosjen e demokracisë, ekonomisë dhe lirisë”, tha Sekretari i Shtetit të Britanisë, Alan Duncan.
Në një deklaratë, Banka e Anglisë tha të shtunën se ofron shërbime të ruajtjes së arit për një numër të madh klientësh, por nuk komenton mbi këto marrëdhënie.
“Në të gjitha operacionet e saj, Banka respekton standardet më të larta të menaxhimit të rrezikut dhe i përmbahet të gjithë legjislacionit përkatës, duke përfshirë sanksione të mundshme financiare“, shkruhet në deklaratën e bankës.
Departamenti i Thesarit i SHBA-ve tha në një deklaratë të premten se planifikon të përdorë mjete ekonomike dhe diplomatike për të siguruar që çdo transaksion komercial me qeverinë venezueliane të kalojë nëpërmjet Presidentit Juan Guaido. Përshtati TIRANA TODAY
