Vatra e zjarrit që është aktivizuar ditën e sotme në një masiv pyjor në Laç vijon të përhapet, teksa autoritetet po ndërhyjnë nga toka dhe nga ajri.
Mësohet se flakët kanë nisur pas një zjarrëvnie të qëllimshme, teksa autori Vladimir Preng Hysku është arrestuar. Megjithatë, dyshohet se ai ka vepruar së bashku me një tjetër person, për të cilin policia ka nisur hetimet dhe po punon për ta arrestuar.
Flakët, të favorizuara dhe nga era, po kthehetn në një rrezik për banorët pasi mund të prekë shtëpitë, teksa deri më tani ka djegur një sipërfaqe të madhe me pisha.
Të paktën 50 efektivë të Forcave të Armatosura, helikopteri Cugar dhe 2 mjete zjarrfikëse janë mobilizuar për të ndihmuar në shuarjen e zjarrit.
