Policia e Shtetit sot është përpara disa sfidave të rëndësishme, kështu u shpreh këtë të hënë Ministri i Brendshëm, Fatmir Xhafaj, i pranishëm në forumin qytetar për sigurinë publike, të mbajtur në Elbasan.
Si një prej sfidave më të mëdha Xhafaj veçoi luftën kundër krimit të organizuar. Ai tha se operacioni Forca e Ligjit ka qenë tepër i suksesshëm, duke goditur 7 grupë kriminale në pak muaj dhe duke skeduar shumë të tjerë.
“Unë dua të them sot se ky ka qenë dhe është një operacion i suksesshëm dhe kemi goditur grupe kriminale brenda Shqipërisë por edhe jashtë vendi.
Ne kemi mundur të godasim pjesë të rëndësishme të këtyre grupeve. Kemi goditur 7 grupe me 100 persona të arrestua drejtues avantar të këtyre grupeve. Ne po vijojmë dhe po punojmë fort. Ne po punojmë për t’i ndëshkuar këtë grupe kriminale dhe për t’i vënë përpara përgjegjësisë. Ata personalisht dhe aset kriminale të fituara prej tyre. Në Elbasan ne kemi tre grupe kriminale dhe po punojmë për t’i vënë përpara përgjegjësisë. Shteti është shumë më i fortë se ata.
Policia do t’ua nxijë jetën dhe veprimtaria e tyre kriminale të ndëshkohet. Këtu jemi në një betejë pa kompromis dhe jemi të bindur që do t’i shkojmë deri në fund”- tha Xhafaj. TIRANA TODAY
