Pronari i kompanisë “Arbri Garden”, i cili është shpallur në kërkim pas sekuestrimit të 613 kg kokainë, rezulton se ka përfituar grante nga Ministria e Bujqësisë, në atë kohë e drejtuar nga ministri i LSI-së, Edmond Panariti.
Ky i fundit ka sqaruar përse kompania në fjalë ka siguruar grante nga ministria, teksa shprehet se përzgjedhja e kompanisë “Arbri Garden” është bërë sipas të gjitha kritereve. Ai shton se si kriteret e aplikimit, ashtu edhe vlerësimi apo vendim- marrja bçhen nga strukturat e BE-së, sepse AZHBR si pjese e Ministrisë së Bujqësisë ne 2015, ka qënë përfshirë në proces trajnimi dhe nuk ka patur zë si ne vendimmarrje ashtu edhe ne ekzekutim.
Nga ana tjetër, biznesmeni Çekaj pretendon që s’ka lidhje me drogën dhe se do kthehet në Shqipëri për të vërtetuar se është një biznesmen i ndershëm, edhe ministri Panariti sqaron punën e granteve.
STATUSI I PANARITIT
Shpif, shpif se dicka mbetet !!! Nuk mund te perlyhet dhe baltoset Ministria e Bujqesise per dicka qe nuk i takon!! Financimi i dhomave frigoriferike per prodhime bujqesore te firmave SE-BI dhe Arbri Garden eshte bere me fonde te programit IPARD – like te administruara nga Bashkimi Europian, te ekzekutuara nga Agjensia Gjermane dhe te asistuara nga projekte mbeshtetese te USAID. Kriteret e aplikimit, vleresimi dhe vendim- marrja jane te strukturave te BE-se sepse AZHBR si pjese e Ministrisë së Bujqësisë ne 2015, ka qene perfshire ne proces trajnimi dhe nuk ka patur ze si ne vendimmarrje ashtu edhe ne ekzekutim. Kjo eshte e verteta.
