Kultivuan kanabis si dhe shpërdoruan detyrën. Janë këto veprat penale të cilat rëndojnë mbi Inspektorin e Policisë Pyjore në Ballsh dhe kryeplakun e Drenovës.
Këta të fundit u arrestuan në flagrancë nga policia, e cila gjeti në një parcelë në pyll, në vendin e quajtur “Bregu i Gushës”, të kultivuara 80 bimë narkotike të dyshuara Cannabis Sattiva.
Në pranga kanë përfunduar shtetasit:
-Meçan Mustaj, 49 vjeç, banues në fshatin Drenovë, Mallakastër, me detyrë Inspektor i Policisë Pyjore në Bashkinë Ballsh.
-Niko Nure, 41 vjeç, kryeplak dhe banues në fshatin Drenovë.
Materialet i kaluan Prokurorisë pranë Gjykatës së Shkallës së Parë Fier për veprat penale “Kultivimi i bimëve narkotike” dhe “Shpërdorimi i detyrës” në ngarkim të shtetasit Meçan Mustaj dhe për veprën penale “Moskallëzim i krimit” në ngarkim të shtetasit Niko Nure.
