Reshjet e dëborës kanë prekur disa vende të Ballkanit, si: Kosova, Bosnje-Hercegovina dhe Kroacia.
Në Prishtinë sot filloi të bjerë dëborë, bashkë me reshjet e shiut. Ndërsa në Sarajevë, në Bosnje-Hercegovinë sot në mëngjes ka rënë dëborë deri në 30 centimetra dhe, për pasojë, ka patur probleme me trafikun. Moti i keq dhe reshjet e borës që nga mbrëmë, kanë shkaktuar defekte edhe në rrjetin elektrik, si pasojë e së cilës shumë shtëpi kanë mbetur pa energji elektrike. Sipas sinoptikanëve, temperatura e ditës do të arrijë deri në katër gradë Celsius.
Në Bosnje, kryesisht, ka mot të vrenjtur me dëborë dhe shi, ndërsa gjatë ditës pritet të pakësohen reshjet në pjesën më të madhe të vendit. Kroacia gjithashtu, sot ka pasur reshje dëbore.
