Kreu i grupit parlamentar të Partisë Socialiste, Taulant Balla ka apeluar ndaj opozitës që të kthehet në Kuvend. Duke folur nga Kryesia e Kuvendit, Balla tha se PD duhet të depozitojë propozimet për anëtarë të KQZ si partia më e madhe e opozitës.
“Apeli im është që PD të vijë në Kuvendin e Shqipërisë, seanca e parë është në 30 janar. Ne kemi zgjedhur mandatin e komisioni zgjedhor me 30 ditë që të mos humbim më kohë.
Komunikimi më i fundit me opozitën ka qenë pak ditë më parë në konferencën e kryetarëve. Në seancën e fundit kryeministri e preku rëndësinë që ka bashkëpunimi për reformën. Ky semestër i parë i 2019 është një semestër i rëndësishëm për axhendën tonë të integrimit.
Së pari ne presim që PD të depozitojë në Kuvend dy anëtarët për KQZ, i takojnë partisë më të madhe në opozitë dhe PD ka detyrimin institucional që të depozitojë kandidaturat përkatëse”, deklaroi Balla.
