Partia Socialiste ka nisur mbledhjen e grupit parlamentar, ndërsa kreu i grupit Taulant Balla ka akuzuar Bashën se e siguroi foton me Trumpin pas pagesës që bëri kompania e tij lobuese.
Deputeti socialist deklaroi se edhe protesta e PD-së dhe ngritja e çadrës ishte e financuar si një përpjekje për të bojkotuar zgjedhjet.
Po ashtu, Balla akuzoi liderin e PD-së se nuk i ka pasqyruar të gjitha financimet e marra nga kompanitë lobuese.
“I kemi kërkuar Bashës të japë shpjegime për këtë çështje ndaj publikut dhe i kemi kërkuar Prokurorisë fillimin e hetimeve. Tashmë kanë dalë prova të reja të rënda dhe do doja t’ju bëja një përmbledhje që secili prej jush të jetë i qartë se çfarë është publikuar deri më tani.
Ka dyshime si u financua protesta kundër Reformës në Drejtësi dhe përpjekja për të bojkotuar zgjedhjet.
1 javë e gjysmë para zgjedhjeve, Basha ndërpreu fushatën dhe shkoi në SHBA, ku lobuesi Nik Muzin e futi Bashën në një takim për mbledhje fondesh të kandidatit për guvernator në Mill Ëoki, takim në të cilin merrte pjesë edhe Presidenti Trump. Në këtë takim ku përmes një pagese kontribuese prej 20 mijë dollarësh mund të fitohej një vend VIP dhe një foto me presidentin Trump. Dhe Basha arriti ta kishte këtë foto me presidentin Trump përmes kësaj skeme.
Në çfarë rrugë i ka paguar Basha 500 mijë dollarë? Lobisti i PD-së nuk i kishte raportuar të gjitha detajet kur u shfaq si lobues i PD. Ai është paguar me 675 mijë dollarë për vetëm 3 muaj. Kontrata me Beniatta Trade u mbajt e fshehtë”, tha Balla ndër të tjera.
