Gareth Bale do të rikthehet në fushë për Real Madrid dhe e bën në një moment ku vërtetë ekipi i drejtuar nga francezi Zidane, po kalon një formë jo të mirë. Me rikthimin e “BBC”, pritet që madrilenët të rikthehen tek suksesi.
Por ky rikthim vjen pas shumë polemikash pasi forma e wellsianit edhe para dëmtimit nuk ka qenë në lartësinë e duhur dhe është kritikuar shumë. Gjatë periudhës që Bale ka qenë i dëmtuar uk kanë munguar lajmet e shumta që e lidhin atë me një të ardhme larg kryeqytetit spanjoll. Por agjenti i Gareth Bale ka konfirmuar se ylli i Wellsit dëshiron të kalojë pjesën tjetër të karrierës së tij në Real Madrid përpara rikthimit të tij në veprim në ndeshjen e së martës në Copa del Rey kundër Fuenlabrada.
Bale nuk është paraqitur për kampionët spanjollë dhe evropianë që nga fitorja 3-1 e Ligës së Kampionëve përballë Borussia Dortmund në fund të shtatorit si rezultat i lëndimit që pësoi në atë ndeshje.
