Bajerni i Mynihut duket se është mësuar me të nxehtin e Katarit, ku fituan Kupën e Botës për klube , teksa ditën e sotme nuk kanë shkuar më shumë se barazimi në kampionat ndaj Arminia Bielefeld, në “Allianz Arena”, që ishte mbuluar nga dëbora.
Skuadra e Flik është shtangur në shtëpi, teksa barazoi 3-3 ndaj skuadrës së Arminia Bielefield. Këta të fundit e mbyllën pjesën e parë me avantazhin e dy golave, pasi kishin shënuar Vlap në minutën e 9’ dhe Pieper në minutën e 37’.
Pjesa e dytë nisi menjëherë spektakolare me dy gola. Fillimisht shënoi Levandovski në minutën e 48’, por Gebauer shënoi të tretin për Arminian 1 minutë më vonë.
Toliso në minutën e 57’ dhe Dejvis në minutën e 70’ barazuan shifrat, por bavarezët nuk ia dolën të shënonin edhe një tjetër gol për të përmbysur rezultatin.
Bajerni qëndron në krye të renditjes me 49 pikë, 5 më shumë se ndjekësit e vendit të dytë, ndërsa Arminia Biefeld renditet në zonën e ftohtë me 18 pikë.
