Në një intervistë me “Good Morning Britain”, babai i Meghan ka folur për dasmën e të bijës, për të cilën tha se ishte një çast i vështirë në jetën e tij.
Ndër të tjera ai tregoi se e bija qau kur i tha se nuk vinte dot në dasmën e saj me Princ Harry-n.
“Meghan qau, jam i sigurt, dhe të dy më thanë të kujdesesha për veten. Ishin të shqetësuar për mua”, tha 73-vjeçari.
“Absolutisht doja ta shoqëroja time bijë drejt altarit”.
Dasmën e të bijës ai e ka parë nga një dhomë e vogël hoteli.
“U mërzita shumë që s’e shoqërova dot drejt altarit, sepse gjithë bota po shihte time bijë. Aspekti më fatkeq i gjithë kësaj është fakti që unë jam një shënim në fund të faqes së historisë. Nuk jam babai që shoqëroi të bijën drejt altarit”.
