Azerët humbin Agollin në prag të sfidës me Romën

Ansi Agolli është detyruar ta mbyllë vitin futbollistik para kohe, pasi ka marrë një dëmtim që do ta lerë për disa javë jashtë fushave. Kapiteni i kombëtares shqiptare është detyruar të lejë fushën e lojës në minutën e 75’ përballë Neftchi, pas një problemi muskulor. Por pas testeve është konfirmuar se ai do ti duhen disa javë të rikuperohet dhe do të humbë ndeshjen e së martës më Romën në Champions League. Konfirmimin e ka dhënë vetë trajneri i Qarabagut, ku është shprehur se ky vit mund tëquhet i mbyllur për mbrojtësin e majtë Agollin.“Nuk do të jetë në ndeshjen kundër Romës. Praktikisht viti 2017 përfundoi këtu për Agollin. Sipas të gjitha gjasave, të martën do të luajë Yunuszade në qendër të mbrojtjes”, deklaroi trajneri i Qarabag. Skuadra nga Azerbajxhan, pas pesë ndeshjeve të zhvilluara, renditet në vendin e fundit të klasifikimit të grupit, me vetëm 2 pikë, ndërkohë që me një ndeshje nga përfundimi i fazës së grupeve, Roma e vendit të dytë kualifikohet për më tej me një fitore.