Partia Demokratike ka sulmuar sërish qeverinë Rama, për të cilën shkruan se duhet të shporret një orë e më parë. Në një video të publikuar në Facebook, PD analizon situatën në 5 vitet e fundit, u numëron ngjarjet e ndodhura përgjatë kësaj kohe, duke cilësuar fajtore qeverinë e kryeministrit Rama.
“Një vështrim të 5 viteve të qeverisë së rrënimit të shqiptarëve përmes vjedhjes së pasurive publike, lejimit të trafikut të drogës e kanabizimit të vendit, korrupsionit me taksat dhe PPP-të, ministrave të kapur nga krimi i organizuar, pastrimit të parave me shembjen e Teatrit Kombëtar dhe vjedhjes së tenderave si ai i Unazës së Re me parajsa fiskale! Një Shqipëri më e varfër e më larg Europës!”, shkruan Partia Demokratike.
