4 vite më parë, pikërisht më 14 Tetor të vitit 2014, Shqipëria zbriti në Beograd për të luajtur ndeshjen eliminatore me Serbinë, ndërsa ngjarja me dronin që mbante mbishkrimin “Autochthonous” dhe imazhet e Ismail Qemalit dhe Isa Boletinit, pasoi një valë dhune ndaj lojtarëve të ekipit tonë kombëtar dhe për këtë Serbët u ndëshkua nga institucionet ndërkombëtare të futbollit dhe drejtësisë sportive.
Ishte Ismail Morina, apo i njohur ndryshe nga të gjithë shqiptarët dhe jo vetëm, si Ballis Morina. Ishte ai njeriu që ngriti në qiellin e Beogradit atë flamurë që edhe sot vazhdon të jetë ‘tmerr’ për serbët. Akti i tij ishte një përgjigje që i vuri me “shpatulla pas murit” serbët për koret raciste nacionaliste të tifozërisë serbe në Stadiumin e Beogradit.
Ballisti, ose shqiptari më i famshëm i dronit me flamurin “Autochthonus”, u arrestua dhe më pas u burgos në Kroaci nga policia vendase, për shkak të një urdhër-arresti ndërkombëtar të lëshuar nga Serbia.
Sot ai është i lirë pasi autoritetet kroate vendosën të mos e ekstradonin Ballistin për shkak se atij i rrezikohej jeta dhe për mos gjykim të drejtë në Serbi. Shqipëria shkoi në Europianin “Francë 2016”, ndërsa Serbia mbeti në shtëpi, edhe për shkak të dronit kuq e zi! Ja postimi i plotë i Ismail Morinës:
