Elysium RV është emri i autobusit, i cili është 14 metra i gjatë dhe 2.4 metra i gjerë. Ai është një shtëpi super luksoze me rrota, e cila sipas të gjitha gjasave, është më e mirë se shumica e shtëpive në botë, ajo kushton 2.5 milionë dollarë.
Luksi i autobusit vazhdon e shtohet kur një helikopter qëndron mbi pjesën e sipërme të autobusit, shto këtu dhe jakuzin në kabinë. Brenda gjenden tre ekrane super të mëdhenj, 75- inch, një banjë, e cila ka një dush smart dhe tualet.
Tavani i tij është perfekt me një sipërfaqe prej druri, një vaskë të madhe me ujë të nxehtë jakuzi, dhe një sistem shumë të mirë audio për muzikë, e po ashtu edhe me një zonë uljeje për helikopterin.
Sigurisht zona e uljes së helikopterëve, pa një helikopter të vetin, do të ishte e padobishme, dhe për këtë RV vjen me një helikopter për dy persona. Robinson R22, që është perfekt për një shëtitje rreth zonës ku gjendet autobusi dhe edhe për të shmangur trafikun rrugor.
Ky autobus tani nuk është në shitje, dhe është një ide nga “Furrion”, teknologjia globale amerikane që zhvillon produkte teknologjike për tregun luksoz.
