Austria do të shpërndajë 1 milion vaksina kundër koronavirusit, për vendet e Ballkanit Perëndimor, përfshirë edhe Shqipërinë.
Lajmin e ka bërë të ditur kancelari austriak Sebastian Kurz, përmes një postimi në rrjetet sociale. Ai u shpreh se Austria do të jetë e sigurt nga pandemia, nëse do të jenë edhe vendet e tjera.
”Austria do të vërë në dispozicion të Ballkanit Perëndimor 1 milion doza vaksinash që nga gushti. Ne do të jemi përfundimisht të sigurt nga pandemia, nëse të gjithë janë të sigurt.”, shkruan Kurz në rrjetin social, Twitter.
Österreich wird den Westbalkanstaaten ab August 1 Mio. Impfdosen zur Verfügung stellen. Denn wir sind vor der Pandemie nur dann endgültig sicher, wenn alle sicher sind.
— Sebastian Kurz (@sebastiankurz) June 18, 2021
Vjena do të presë sot në një takim liderët e vendeve të rajonit të Ballkanit Perëndimor. Kancelari austriak Sebastian Kurz, ka ftuar në një takim të nivelit të lartë liderët e Ballkanit Perëndimor dhe homologët e tij.
Nga pala nga pala shqiptare, nuk do të jetë i pranishëm kryeministri Edi Rama, por në vend të tij do të shkojë ministrja e Infrastrukturës dhe Energjetikës, Belinda Balluku.
