Një person është në kërkim në Australinë veriore, pasi vrau tre persona dhe plagosi një tjetër rëndë kur hapi zjarr të enjten në mëngjes në një fermë bagëtish në Bogie në Queensland. Të shtënat u dëgjuan në një fermë bagëtish në Bogie në Queensland, thanë autoritetet.
Policia e Queensland ka mbyllur një zonë përreth pronës, ndërsa po kërkon për “vrasësit”. Personi i plagosur rëndë, një burrë, kishte udhëtuar “shumë e shumë kilometra” për të ngritur alarmin, thanë oficerët.
Burri pësoi një plagë me armë zjarri në bark, dhe u dërgua në një spital në qytetin Mackay për t’iu nënshtruar një operacioni urgjent.
“Në këtë fazë, ne jemi në një fazë shumë, shumë të hershme të këtij hetimi”, tha Supt Tom Armitt për mediat.
“Nuk e dimë kush është përgjegjës”. Viktimat nuk janë identifikuar, por besohet se janë të afërm të të plagosurit, tha Supt Armitt.
“Fillimisht kur personi mashkull foli me ne, ai ishte padyshim në një gjendje të shqetësuar”, tha ai.
Bogie – rreth 1200 km (745 milje) në veri të Brisbane – është shtëpia e rreth 200 njerëzve.
Australia ka disa nga ligjet më të ashpra për armët në botë. Supt Armitt i përshkroi të shtënat e së enjtes si një “ngjarje jashtëzakonisht të rrallë”.
Burimi i lajmit: BBC. Përshtatur nga Tirana Today
