Deputeti demokrat Ervin Salianji, referuar audio-përgjimit të Babales, u shpreh se Prokuroria është munduar që ta ngatërrojë Agron Xhafajn me persona të tjerë. Ai tha në emisionin “Open”, se Prokuroria në laboratorin në Angli, ka dërguar audio-përgjime me cilësi të ulët, për të ngatërruar zërin.
“Prokuroria ka çuar disa aktorë, një Argon Hyseni dhe një Fredi Alizoti, për ta ngatërruar me Agron Xhafajn. Loja që ka bërë Prokuroria është se zëri i Agron Xhafajt, sipas ekspertes private britanike, nuk është në kushtet e duhura.
Regjistrimet s’janë origjinale; thotë akt-ekspertimi. Janë marrë nga pamjet e mediave, pra (Prokuroria) ka çuar një material të marrë nga mediat, për të ulur cilësinë e zërave.
Pra, Prokuroria në mënyrë të qëllimtë e ka marrë aktin nga mediat. Ndërkohë që ka materialin origjinal që i ka çuar gazetari, dhe ato që ka marrë nga ne (PD)”, u shpreh Salianji.
