Pierre-Emerick Aubameyang ka qenë prej kohësh i lidhur me një largim nga Borussia Dortmund, ku Real Madridin duket si destinacioni i tij më i mundshëm. Futbollisti nga Gaboni ka folur më parë për dashurinë e tij për të luajtur në Bernabeu. Megjithatë, 27-vjeçari tani ka deklaruar se ëndrra e tij për Realin ka përfunduar dhe se ai ka filluar të hedhë sytë nga Atletico Madrid.
“Merkato është e hapur, edhe për mua. Real Madrid? Nuk është më dëshira ime, nuk mendoj shumë për këtë,” tha ai për Ouest France. Pierre-Emerick Aubameyang ka lënë të kuptohet se mund të bashkohet me Diego Simeon tek Atletico Madrid. “Atletico Madrid? Të gjithë e dinë se ata janë duke kërkuar lojtarë. Unë mendoj se Antoine Griezmann mund të largohet dhe gjithçka mund të ndodhë.”
Aubameyang është shprehur i qartë se ai nuk ka rënë dakord me Dortmund për të rishikuar kontratën e tij. Drejtori sportiv i klubit gjerman, Michael Zorc, pohoi këtë javë se sulmuesi kishte nënshkruar një marrëveshje të re deri në vitin 2021, por ai ka këmbëngulur se nuk është e vërtetë.
“Rinovimi me Dortmundin? Unë nuk kam nënshkruar, nuk është e vërtetë,” shtoi Aubameyang. Duke folur për Sky Sports, Zorc tha: “Kontrata është deri në 2021, ka akoma kohë për të menduar rinovimin. Një ditë, ai me siguri do të largohet nga Borussia Dortmund, ai nuk do t’i japë fund karrierës së tij këtu. Ai është një lojtar shumë i rëndësishëm dhe ne vazhdojmë ta bazojmë projektin tek ai.”
