Në Norvegji mund të gjesh një burg që vetëm si i tillë s’të ngjan! Është ky reportazhi i CNN-it që i kushton vëmendje mënyrës se si e ‘vuajnë’ dënimin të burgosurit në Norvegji.
Por, sistemi i burgjeve në këtë shtet nuk bazohet te dënimi, por tek tri vlera: normaliteti, njerëzimi dhe rehabilitimi. Madje, policët e punësuar në këto burgje kalojnë shumë kohë me të burgosurit, madje hanë me ta.
“Ne hamë darkë me të burgosurit dhe për ta kjo është normale, ndërsa për ne është mënyra e të punuarit me ta. Unë flas me ta për jetën time. Unë nuk mendoj për atë që ata kanë bërë, është e kaluar. Detyra ime është të shikoj në të ardhmen dhe t’i ndihmoj ata për të ardhmen”, tha një zyrtar i policisë.
Në SHBA, burgu shihet përgjithësisht si ndëshkim për krimet e kryera, por Norvegjia mund ta ndryshojë këtë.
Në vitin 2015, drejtorët e burgut dhe ligjvënësit nga Dakota e Veriut udhëtuan për të parë burgjet. Udhëtimi ishte pjesë e një programi që merr zyrtarët e shtetit për të vizituar vendin. Kur liderët u kthyen, Dakota e Veriut ngadalë filloi të bënte ndryshime në sistemin e saj të burgjeve.
