Ish-ministrja dhe deputetja e PD, zgjedhur tashmë sekretare e përgjithshme e Këshillit të Bashkëpunimit Rajonal, prej ditësh është zhvendosur në Sarajevë, aty ku ka zyrat ky Këshill. Në një lidhje për emisionin “Wake Up”, Bregu ka surprizuar disi sa i takon vendimit për të aplikuar për këtë pozicion. Ajo foli edhe për pakënaqësi, ndaj e kishte parë të udhës që të ndërmerrte këtë akt.
“Erdhi një moment nga fundi i verës 2017, ku siç ndodh me nervin tim, thashë që në një vend ku nuk të duan, nuk rrihet. Dhe duke qënë se unë nuk e kam për zakon të përlotem, atëherë vendosa të aplikoj.
Kontakti i parë ka qenë në Bruksel me Komisionin Europian dhe nuk pyeta, por thashë që kam vendosur të kandidoj.
Shqipëria nuk e ka pasur këtë mundësi, dhe kjo është hera e parë. Pata kontakt me Ministrin e Jashtëm, Ditmir Bushati. Vendosa të jem e qartë, sepse mazhoranca mund të kishte një kandidat.
Ditmiri tha që edhe mandatin e kaluar nuk e morëm dot, sepse duhet një kandidat që ta pëlqejnë të gjithë, dhe të njihet edhe nga pala Europiane. Pra ishin të gjithë ingredientët”, u shpreh Bregu nga Sarajeva.
