Brazili e sheh si detyrim triumfin në Botërorin e Rusisë, pasi kërkojnë të bëjnë krenar tifozët pas asaj humbje turpëruese në shtëpi nga Gjermani 7-1 në 2014-ën. Për t’ia arritur qëllimit nuk duhet vetëm të kesh talentet më të mira në skuadër, por edhe harmoninë në grup. Këtë e di mirë trajneri Tite i cili ka ‘shpikur’ një model stërvitje mjaft interesant te ‘seleçao’.
Në rrethin e përbërë nga disa futbollistë ai që humbet topin dënohet me goditje në vesh. Më i ndëshkuari ishte Fred, lojtari që pritet të kalojë te Manchester United, por edhe Coutinho, i cili iu nënshtrua dënimit nga shokët e skuadrës. Këto situata kanë shkaktuar mjaft të qeshura ndërmjet shokëve të skuadrës.
