Atletico Madrid ka bërë një goditje mjaft të mirë në merkaton e verës dhe më e bukura me parametra zero. Bëhet fjalë për 23-vjeçarin, Gelson Martins, një ndër talentet më të mëdhenj në qarkullim që deri një sezon më parë ishte pjesë e Sportingut të Lisbonës.
Sulmuesi portugez pas skandalit që plasi në fundin e sezonit që lamë pas, ku lojtarët u sulmuan nga tifozët në një seancë stërvitore. 23-vjeçari pas këtij skandali ka bërë një kërkesë në zyrat e UEFA-s për të shkëputur kontratën me Sportingun dhe u miratua.
Një biznes i shkëlqyer ky për Atleticon që merr pa shpenzuar asnjë qindarkë një lojtar të shkëlqyer që në merkato vlen minimalisht 40 milionë euro. Anësori i djathtë ofensiv, lindur në Kepin e Gjelbër, është rritur si futbollist te Sportingu i Lisbonës, ku në dy sezonet e fundit ka shkëlqyer, por pas fundsezonit skandaloz, me agresionin ndaj futbollistëve, kërkoi prishjen e kontratës me gjyq.
Edhe pse Sportingu ndërroi president dhe kërkoi të kthente në skuadër të gjithë lojtarët, Gelson Martins nuk ka bërë asnjë hap pas duke shkëputur çdo marrëdhënie kontraktuale me klubin portugez dhe duke dalë një lojtar i lirë në treg për të firmosur me Atleticon e Madridit.
