Presidenti i Kamzës, Naim pas atentatit me eksploziv që iu bë ditën e sotme ka folur për disa medie në vend.
Një sasi lënde shpërthyese iu vendos në automjetin tip “Hummer”, i cili ishte i parkuar pranë banesës së tij në Bathore ditën e sotme.
Qari në fillim ka thënë për “Panorama” se mjeti nuk ishte i tij dhe se kishte ngatërresë targash, por për Policinë ka thënë ndryshe.
Po ashtu, mëson se Qarri u ka thënë uniformave blu se ishte duke qëndruar në lokal kur ndodhi shpërthimi.
“Në fillim mendova se ishte shkëndijë elektrike, më pas e pashë që ishte shpërthim. Nuk kam konflikt me askënd dhe nuk e di pse ma kanë vënë eksplozivin. Kam një biznes të rregullt familjar”, ka thënë ai para policëve.
