Detaje te reja nga vrasja e 48-vjeçarit Lulzim Visha mëngjesin e sotëm në zonën e Zall Mnerit në Kamëz. Mësohet se në automjetin e punës së viktimës janë konstatuar 15 gjurmë plumbash, qitjet sipas hetuesive janë bërë në xhamin e parë të makinës duke ngritur dyshime se autoret janë pozicionuar përballë.
Po ashtu kalibri i armës dyshohet të jetë automatik i shkurtët tip 9mm sipas gëzhojave të gjetura në vendin e ngjarjes. Po ashtu policia ka shoqëruar dhe do pyesë si deklarues të afërm të Refik Domit që është vrarë në 1997 nga vëllai i viktimës.
Ndërkohë automjeti që u gjet i djegur në Zall Herr është ende duke u këqyrur nga grupi hetimor. Makina është shkrumbuar e gjitha. Ndërkohë Lulzim Visha nuk kishte precedent penal të mëparshëm thotë policia.
