Rreth orës 21:15, një ngjarje e rëndë tronditi qytetin e Elbasanit, ku tre persona u vrarë në afërsi të metalurgjisë, në lagjen “Katund i Ri”. Makinës “Range Rover” që drejtohej nga shtetasi turk Erdal Durunay, i është bërë pritë rreth orës 21:15 nga disa persona me makinë, nga e cila janë lëshuar më shumë se 25 plumba. Të parët që kanë gjetur vdekjen kanë qenë Endrit Alibej, 34 vjeç (i dyshuar si objektiv i atentatit) dhe xhaxhai i tij, Arben Dylgjeri. Ndërsa shtetasi turk, i cili ishte mik i viktimave, ka vdekur rrugës për në spital.
Cila është e kaluara e viktimave?
Për shtetasin turk ka pak të dhëna, por dihet vetëm që ai kishte dhënë motrën tek fisi Dylgjeri (edhe Endrit Alibej është pjesë e këtij fisi, por e ka ndërruar mbiemrin vitet e fundit).
Arben Dylgjeri, 54-vjeç, ishte me origjine nga Elbasani, por prej vitesh ai jetonte dhe punonte ne Angli. Person pa precedentë penal, dhe nuk njihej si problematik në qytet.
Shënjestra ka qenë Endrit Alibej (Dylgjeri).
Në 2013, Endrit Alibej u arrestua në Itali, në kuadër të një operacioni antidroge, konkretisht në fushën e kokainës. Atëherë ai ishte 29-vjeç, dhe u kap bashkë me vellain e tij Andrea Alibej, 27-vjeç ( Dylgjeri), si drejtues të një grupi të madh kriminal, ku kishte edhe 10 shqiptarë të tjerë.
Megjithatë ai bëri vetëm pak ditë burg dhe u la i lirë, teksa zgjodhi të lëvizte drejt Holandës ku jetonte kohet e fundit, e ku mendohet se kishte rinisur aktivitetin kriminal.
