Deri më tani raportohet se tre persona kanë vdekur dhe dy janë plagosur nga të shtënat në fshatin Dobraç të Shkodrës.
Sipas raportimeve kanë qenë dy automjete të cilat në ecje qëlluar me breshëri njëra-tjetrën, ku një mjet me targa kroate është qëlluar disa here, dhe më pas është përplasur me një mur.
Ndërkaq, mësohet gjithashtu se viktimat, në momentin e atentatit, kanë qenë duke lëvizur me një automjet tip “S class”.
Pritet njoftim zyrtar nga policia, ndërsa ambulanca dhe grupi hetimor ndodhen në vendngjarje. Raportohet gjithashtu se një nga të plagosurit ndodhet në gjendje kritike në spital.
