Dy nga katër personat e plagosur në atentatin e një dite më parë në Tiranë janë transportuar jashtë vendit për trajtim mjekësor. 17-vjeçari M.D. është nisur më herët për kurim, ndërsa 11-vjeçari D.D., që ndodhet në gjendje të rëndë, është transferuar gjithashtu për ndihmë të specializuar jashtë Shqipërisë.
Ngjarja ndodhi mbrëmjen e djeshme kur automjeti tip “G Class”, me të cilin udhëtonin të plagosurit, u qëllua me breshëri plumbash. Brenda mjetit ndodheshin dy vëllezërit, shoferi i familjes, A.S., 34 vjeç, si dhe shoku i tyre K.M., 19 vjeç.
Të gjithë të plagosurit morën ndihmën e parë në Shqipëri, por për shkak të gjendjes së rëndë të dy të miturve, u mor vendimi për t’i dërguar jashtë vendit për trajtim të mëtejshëm. Autoritetet janë ende në kërkim të autorëve.
