Një atentat me armë zjarri ka tronditur pasditen e kësaj të marte, teksa raportohet se një 29-vjeçar ka mbetur i plagosur.
Ngjarja ka ndodhur në hyrje të qytetit, ku ndaj të riut, Egzon Gegaj, është qëlluar tre herë, duke i shkaktuar dy plagë në gjoks.
Sipas policisë ai është qëlluar me pistoletë pas një konflikti për motive të dobëta nga 23-vjeçari L.N.
Fillimisht, i plagosuri u dërgua në spitalin e qytetit për ndihmë mjekësore, por për shkak të gjendjes së rëndë, ai është transportuar me urgjencë drejt spitalit të Traumës në Tiranë.
Njoftimi i policisë:
Në hyrje të qytetit të Lezhës, në lagjen Nënë Tereza, gjatë një konflikti për motive të dobëta dyshohet se shtetasi L.N, rreth 23 vjeç, ka plagosur me armë zjarri pistoletë shtetasin E.G, rreth 30 vjeç, i cili është transportuar në spital për ndihmë mjekësore dhe ndodhet jashtë rrezikut për jetën.
Shërbimet e Policisë vijojnë kontrollet për kapjen dhe shoqërimin e autorit të dyshuar.
Grupi hetimor nën drejtimin e Prokurorisë vijon punën për zbardhjen e rrethanave dhe dokumentimin e plotë ligjor të rastit.
