Pista e pasionit mbetet pista kryesore ku janë përqendruar hetimet e policisë, pas atentatit që i bënë shqiptarit 40-vjeçar me inicialet D.Q. në Itali.
Shqiptari i cili mbeti i plagosur punon si truprojë në një kazino dhe ngjarja ndodhi më datë 4 gusht, në rrugën “Volta” pranë stacionit të autobusit.
Ndërsa kthehej në shtëpi, 40-vjeçari u përball me atentatorin i cili e priste i fshehur në errësirë. Ky i fundit, raportohet se e kishte fytyrën të maskuar dhe qëlloi me pistoletë ndaj 40-vjeçarit.
Mediat italiane raportojnë se shqiptari, që ndodhet i shtruar ne spital ka mohuar të ketë pasur probleme me njeri, madje e ka përjashtuar edhe pistën e një sulmi për çështje pasioni.
Megjithatë policia po heton pikërisht në ketë pistë. Media italiane bën me dije se policia nuk ka përjashtuar nga dyshimet ish të fejuarën e tij, me të cilën është ndarë para nj viti. Kjo pasi ajo ishte akuzuar me parë për dëmtimin e makinës se 40-vjecarit, por ndërkohe qe ka ndodhur ngjarja, sipas policisë ajo ndodhej në Shqipëri.
