Mbrojtësi i kombëtares shqiptare, Berat Gjimshiti është duke kaluar një formë mjaft të mirë tek skuadra e Serie A, Atalanta. Ai zhvilloi një ndeshje mjaft të mirë në javën e fundit përballë Interit, ku eliminoi Icardin dhe gjeti rrugën e rrjetës në fitoren 4-1.
Ndërkohë ditën e sotme, mediat italiane raportuan se 25-vjeçari, ka rinovuar edhe për të paktën dhe 1 sezon me zikaltërit, pasi kujtojmë që kontrata e tij përfundonte në fund të edicionit.
Shqiptari ka fituar besimin e trajnerit Gasperini, i cili ka këmbëngulur që Gjimshiti të rinovojë me skuadrën e Atalantës. Kujtojmë që mbrojtësi u largua pak ditë më parë nga grumbullimi i ekipit Kombëtar dhe nuk ishte i gatshëm në ndeshjen e djeshme ndaj Uellsit për shkak të një dëmtimi.
