Atalanta është një nga skuadrat më të bukura të dy viteve të fundit dhe ndeshje pas ndeshje, djemtë e Gasperinit i mahnitën të gjithë.
Si pasojë, edhe futbollistët pjesë e kësaj skuadre fantastike, janë ndër më të kërkuarit në merkato.
Një lojtar që mund të largohet dhe për të cilin ka shumë interes, është sulmuesi kryesor i skuadrës, Duvan Zapata. Bomberi është një goleador i lindur dhe për ta zëvendësuar, është vështirë.
Gjithsesi, Atalanta e ka gati planin, pasi është gati të firmosë me Michy Batshuyai, sulmuesin e Chelsea.
Belgu nuk ka arritur për asnjë moment të jetë i rëndësishëm për Blutë e Londrës dhe me shumë gjasa, do të largohet nga “Stamford Bridge”. /abcnews
