Kryeministri Edi Rama ka nxjerrë ‘as-in nën mëngë’ teksa i ka deleguar detyrën e Ministrit të Jashtëm Gent Cakajt, emrit që presidenti Meta refuzoi të dekretojë si ministër.
E megjithatë, kjo kartë e fshehur e Ramës me siguri ka qenë e njohur për ish-ministrin Bushati.
Ky i fundit, gjatë fjalës së tij thumboi zgjedhjen e Ramës, teksa tha se nuk ka asnjë garanci se ajo që kemi përpara, do të jetë më e mirë se ajo që po lëmë pas.
“Nuk ka garanci se ajo çfarë kemi përpara do të jetë më e mirë a më e lehtë se ajo çfarë po lëmë pas. Puna jonë transformuese ka krijuar me siguri të pakënaqur dhe kundërshtarë. Por një gjë është e sigurt: sfidat na kanë bërë më të fortë, më të qëndrueshëm e shpresoj më të denjë për Shqipërinë e të nesërmes”, tha ndër të tjera Bushati.
