Shtyhet sërish mësimi në shkollën e mesme “Rifat Manjani”, pas asfiksimit të 60 nxënësve në Shupenzë të Bulqizës, për shkak të tymit që çliroi vënia në punë e sistemit ngrohës.
Kështu, Instituti i Shëndetit Publik ka kërkuar pezullimin e mësimit deri të mërkurën, pasi vijon testimi i kaldajave në shkollë.
Testimi i sistemit të ngrohjes me pelet për pak sa nuk rezultoi fatal, pasi rrjedhja e gazit nga kaldajat shkaktoi asfiksi te nxënësit, të cilët u dërguan me urgjencë në spitalin e Bulqizës për të marrë ndihmën mjekësore.
